Құрметті Азіретсұлтан!
Орта және шағын кәсіпкерлерді қолдаумен «Бәйтерек» холдингінің еншілес ұйымы – «Даму» кәсіпкерлерді қолдау қоры айналасады. Бұл қор банктердең бизнесті ашу немесе дамытуға алған кредиттің пайыздық мөлшерлемесін субсидиялайды. Немесе банктің алдында кредит алу үшін кепілдік береді. «Даму» қорының қолдауы мезгілсіз болып табылады. Толық ақпаратты www.damu.kz немесе сall-центрге (+7 (800) 080 18 90, 1408) қоңырау соғып білуге болады.
Бұдан басқа біздің еншілес ұйымымыз «Ауыл шаруашылығын қаржылай қолдау қоры» ауыл мен қалада тұратын кәсіпкерлерге шағын кредит берумен айналасады. Толық ақпаратты 8 800 080 3505 анықтама қызметіне қоңырау соғып біле аласыз.
Құрметті Бижамал!
«Бәйтерек» холдингі бизнеске және халыққа бюджет қаражаты есебінен кәсіпорындар ашу, дамыту және тұрғын үй сатып алу үшін қолжетімді кредит бере отырып, қолдау көрсетеді. Бұл Холдинг ел бюджетін қайтаруы тиіс болатын қайтарымды қаражат. Өкінішке орай, 2021 жылы мемлекеттік қаражат есебінен Холдингте қайырымдылық көмек көрсету қарастырылмаған.Құрметті Кенжебек мырза!
Автокөлік құралдары мен қосалқы бөлшектерді сату жобасына қаржылық қолдау көрсету мүмкіндігі туралы сауалыңызға келесіні хабарлаймыз.
Холдингтің еншілес ұйымы болып табылатын «Даму» кәсіпкерлікті дамыту қоры» АҚ (бұдан әрі – «Даму» қоры) қолдау құралдары Сіздің жобаңыз үшін барынша қолайлы қолдау шарасы болады.
«Даму» қоры шағын және орта бизнестегі кәсіпорындарға үш түрлі қолдау құралын ұсынады – сыйақы мөлшерлемесін субсидиялау, кредиттерге кепілдік беру және қаражатты екінші деңгейдегі банктерде шартты орналастыру.
Қағидаларға сәйкес субсидиялау кәсіпкерлердің кредиттер/қаржылық лизинг шарттары бойынша сыйақы ретінде төлейтін шығыстарының бір бөлігін өтеу үшін пайдаланылады және БЖК-2025 қоса алғанда, бизнесті қолдаудың мемлекеттік бағдарламалары шеңберінде мемлекеттің бизнеспен өзара іс-қимылының тиімді тетіктері арқылы жүзеге асырылады.
Осылайша, «Бизнестің жол картасы-2025» бизнесті қолдау мен дамытудың мемлекеттік бағдарламасының (бұдан әрі – Бағдарлама) бірінші бағыты шеңберінде кәсіпкерлерге сыйақы мөлшерлемесінің бір бөлігін портфельдік субсидиялау және салалық шектеулерсіз кредиттер/микрокредиттер бойынша ішінара кепілдік беру түрінде қаржылық қолдау шараларын ұсыну көзделген.
Субсидиялау мерзімі:
- айналым қаражатын толықтыру үшін - 2 жылға дейін,
- инвестициялық мақсаттарға - 3 жылға дейін.
Жобалар салалық шектеулерсіз, ҚР Ұлттық Банкі белгілеген базалық сыйақы мөлшерлемесінен аспайтын және 8,5 пайыздық тармаққа ұлғайтылған мөлшерлеме бойынша қаралады, оның 6%-ын кәсіпкер төлейді, ал айырмасын мемлекет субсидиялайды.
Инвестициялық мақсаттарға бағытталған кредит бойынша ең жоғары сома 20 (жиырма) миллион теңгеден, ал айналым қаражатын толықтыруға 5 (бес) миллион теңгеден аспауы тиіс.
Бағдарламаның екінші бағыты шеңберінде, өз жобаларын салалық шектеулерсіз іске асыратын және (немесе) іске асыруды жоспарлайтын тиімді кәсіпкерлер/индустриялық-инновациялық қызмет субъектілері Бағдарламаның екінші бағытына қатысушылар болып табылады, алайда мыналар:
1) сауда қызметі саласындағы жобалар (айналым қаражатын толықтыруды қоспағанда);
2) Қазақстан Республикасы Кәсіпкерлік кодексінің 24-бабының 4-тармағында көрсетілген қызмет түрлері бойынша кәсіпкерлердің/индустриялық-инновациялық қызмет субъектілерінің жобалары (осы тармақша 2020 жылғы 20 сәуірден бастап туындаған қатынастарға қолданылады);
3) микроқаржы ұйымдары мен лизингтік компаниялар қызметі жатпайды.
Бұл ретте, сауда қызметі саласындағы айналым қаражатын толықтыруға арналған кредиттер бойынша сыйақы мөлшерлемесін субсидиялау бір кәсіпкер үшін 100 (бір жүз) млн. теңгеден аспайтын сомада жүзеге асырылады.
Номиналды сыйақы мөлшерлемесі ҚР Ұлттық Банкі белгілеген базалық сыйақы мөлшерлемесінен аспайтын және 5 (бес) пайыздық тармаққа ұлғайтылған, оның 6%-ын кәсіпкер төлейтін, ал айырмасын мемлекет субсидиялайтын кредиттер/қаржылық лизинг шарттары бойынша ғана субсидиялау жүзеге асырылады. Айналым қаражатын толықтыру мақсатында субсидиялау мерзімі 3 жылға дейін.
Сондай-ақ, Бағдарлама шеңберінде ҚР Ұлттық Банкі Басқармасының 2020 жылғы 19 наурыздағы № 39 қаулысымен бекітілген Шағын және орта кәсіпкерлік субъектілеріне жеңілдікпен кредит беру бағдарламасының қаражаты бойынша қолдау шарасы көзделген, жылдық 8% номиналды сыйақы мөлшерлемесімен айналым қаражатын 100% толықтыруға бағытталған кредиттер бойынша субсидиялау жүзеге асырылады, оның 6%-ын кәсіпкер төлейді, ал айырмасын мемлекет субсидиялайды. Бұл ретте, сауда қызметі саласындағы кредит сомасы 100 млн теңгеден аспайды. Субсидиялау мерзімі кредит мерзімінен аспайды.
Кепілдік беру құралы кепілмен қамтамасыз ету жеткіліксіз болған кезде кәсіпкерлік субъектілеріне қолдау көрсетуді көздейді, ол мынадай мемлекеттік бағдарламалар арқылы іске асырылады:
1. «Бизнестің жол картасы-2025» бизнесті қолдау мен дамытудың мемлекеттік бағдарламасы, ол мынадай бағыттар бойынша жүзеге асырылады:
Бірінші бағыт – «Шағын, оның ішінде микрокәсіпкерлік субъектілерін қолдау» бойынша кредиттер/микрокредиттер бойынша портфельдік сыйақы мөлшерлемесінің бір бөлігін субсидиялау және ішінара кепілдік беру түрінде кәсіпкерлерге қаржылық қолдау көрсетіледі.
Бірінші бағыт шеңберінде кәсіпкерлерді қаржыландыру екінші деңгейдегі банктер, ислам банктері және микроқаржы ұйымдары арқылы жүзеге асырылады.
Инвестициялық мақсаттарға бағытталған кредит/микрокредит бойынша ең жоғары сома 20 млн. теңгеден, ал айналым қаражатын толықтыруға 5 млн. теңгеден аспауы тиіс.
Бір қарыз алушыға арналған лимит 20 млн. теңге.
Жобалар салалық шектеулерсіз, Қазақстан Республикасының Ұлттық Банкі белгілеген базалық сыйақы мөлшерлемесінен аспайтын және 8,5 пайыздық тармаққа ұлғайтылған мөлшерлеме бойынша қаралады, оның 6%-ын кәсіпкер төлейді, ал айырмасын мемлекет субсидиялайды.
Ішінара портфельдік кепілдік мөлшері кредит/микрокредит сомасының 85%-ын құрайды, ал кепілдік мерзімі кредит/микрокредит мерзімінен аспайды.
Екінші бағыт – «Кәсіпкерлерді/индустриялық-инновациялық қызмет субъектілерін салалық қолдау»:
Жеке жобаларын салалық шектеулерсіз іске асыратын кәсіпкерлер қатысады, алайда мыналар:
1) сауда қызметі саласындағы жобалар (айналым қаражатын толықтыруға 100 млн. теңгеден аспайтын сомадағы кредиттерді қоспағанда);
2) Қазақстан Республикасы Кәсіпкерлік кодексінің 24-бабының 4-тармағында көрсетілген қызмет түрлері бойынша іске асырылатын кәсіпкерлердің жобалары (осы тармақша 2020 жылғы 20 сәуірден бастап туындаған қатынастарға қолданылады);
3) микроқаржы ұйымдары мен лизингтік компаниялар қызметі жатпайды.
Кепілдік беру бойынша жоба шеңберіндегі кредит сомасы жұмыс істеп тұрған кәсіпкерлер үшін 1 млрд. теңгеден аспайды және ісін жаңа бастаған кәсіпкерлер үшін 360 млн. теңгеден аспайды. Ісін жаңа бастаған кәсіпкерлер үшін кепілдік мөлшері кредит сомасының 85%-ына дейін, ал жұмыс істеп тұрған кәсіпкерлер үшін кредит сомасының 50%-ына дейін.
Кепілдік номиналды сыйақы мөлшерлемесі Қазақстан Республикасы Ұлттық Банкінің базалық сыйақы мөлшерлемесінен аспайтын, 5 (бес) %-ға ұлғайтылған кредиттер бойынша беріледі. Инвестициялар, айналым қаражатын толықтыру және қайта қаржыландыру мақсатында беріледі. Кепілдік мерзімі – кредит мерзімінен аспайды.
2. «Даму-Оптима» кепілдік беру бағдарламасы.
Кепілдік беру бойынша жоба шеңберіндегі кредит сомасы жұмыс істеп тұрған кәсіпкерлер үшін 180 млн. теңгеден аспайды және ісін жаңа бастаған кәсіпкерлер үшін 30 млн. теңгеден аспайды. Ісін жаңа бастаған кәсіпкерлер үшін кепілдік мөлшері кредит сомасының 85%-ына, ал жұмыс істеп тұрған кәсіпкерлер үшін кредит сомасының 50%-ына дейін.
Инвестициялар, айналым қаражатын толықтыру және қайта қаржыландыру мақсатында беріледі. Кепілдік мерзімі – кредит мерзімінен аспайды.
Жоғарыда баяндалғандардың негізінде, қаржыландыру мүмкіндігін, қаржыландыру мерзімін, сыйақы мөлшерлемелерін және қаржыландырудың басқа да негізгі шарттарын айқындау үшін «Даму қорының талаптарына сәйкес құжаттардың толық пакеті ұсынылғаннан кейін жобаны егжей-тегжейлі талдау және құрылымдау жүргізілетінін хабарлаймыз.
Қолдау құралдары туралы толық ақпарат алу үшін Түркістан қаласы, Қожанов көшесі, 7 үй мекенжайы бойынша орналасқан «Даму» қорының аймақтық кеңсесіне хабарласуыңызға болады, тел: +7 (7252) 997049 , 1408.
Сәлеметсіз бе!Мен өзім дәрігермін ЖТД маманы, қазіргі таңда декреттік демалыстамын, үш перзентіміз бар. Мен ешқандай конкурстан өтпедім, ия болсама жинаған еш ақшам жоқ,мемлекеттен қалай үй алуға ия болмаса кезекке тұруға болады?
Құрметті Ақжайқын Талғатқызы!
ҚР Үкіметінің 2019 жылғы 31 желтоқсандағы №1054 қаулысымен Тұрғын үй-коммуналдық дамудың «Нұрлы жер» мемлекеттік бағдарламасы (бұдан әрі – «Нұрлы жер» мемлекеттік бағдарламасы) бекітілді, оның негізгі мақсаты халық үшін тұрғын үйдің қолжетімділігін арттыру болып табылады. Азаматтардың тұрғын үй мәселелерін шешу үшін олардың табысы, сондай-ақ қолжетімді тұрғын үйдің жеткілікті көлемінің болуы айқындаушы фактор болып табылады.
«Тұрғын үй қатынастары туралы» Қазақстан Республикасының Заңына сәйкес тұрғын үйге мұқтаждар есебінде тұрған азаматтар (бұдан әрі – ЖАО-да кезекте тұрғандар) «Нұрлы жер» мемлекеттік бағдарламасына қатыса алады.
«Нұрлы жер» мемлекеттік бағдарламасының шарттарына сәйкес, отбасының әрбір мүшесіне шаққандағы табысы 1 ең төменгі күнкөріс деңгейіне дейінгі ЖАО-да кезекте тұрғандар үшін ЖАО сатып алу құқығынсыз жалға берілетін тұрғын үй ұсынады. Табысы 3,1 ең төменгі күнкөріс деңгейіне дейінгі ЖАО-да кезекте тұрғандар (көп балалы және толық емес отбасылар, сондай-ақ мүмкіндіктері шектеулі балаларды тәрбиелеп отырған отбасылар) «Бақытты отбасы» бағдарламасына қатыса алады («2-10-22»). Табысы 3,7 ең төменгі күнкөріс деңгейіне дейінгі ЖАО-да кезекте тұрғандар «5-20-25» бағдарламасы бойынша және «Шаңырақ» («5-10-20») пилоттық жобасы шеңберінде ЖАО-ның кредиттік тұрғын үйін алуға қатыса алады.
Қалған азаматтар үшін «7-20-25» ипотекалық бағдарламасы және ЕДБ-нің басқа да ипотекалық құралдары қолжетімді.
«Нұрлы жер» мемлекеттік бағдарламасы шеңберінде «Бәйтерек» ҰБХ» АҚ-ның еншілес компаниялары – «Отбасы банк» АҚ, «Қазақстан Тұрғын үй Компаниясы» АҚ қаржыландыруды, ипотекалық кредит беруді және сатып алу құқығымен тұрғын үйді жалға беруді дамыту арқылы тұрғын үйдің қаржылық қолжетімділігін арттыруды көздейді.
Тұрғын үй сатып алу шарттары
«Отбасы банк» АҚ арқылы:
Ø «Нұрлы жер» мемлекеттік бағдарламасы (ЖАО-да кезекте тұрғандар және салымшылар)
Бастапқы төлем: 20% бастап
Кредит мөлшерлемесі: жылдық 5%
Мерзімі: 25 жылға дейін
Қарыздың нысаналы мақсаты – ЖАО-ның кредиттік тұрғын үйін сатып алу.
Ø «Шаңырақ» (ЖАО-да кезекте тұрғандар)
Бастапқы төлем: 10% бастап
Кредит мөлшерлемесі: жылдық 5%
Мерзімі: 20 жылға дейін
Қарыздың нысаналы мақсаты – бастапқы нарықтан тұрғын үй сатып алу (жеке құрылыс салушылардан, оның ішінде тұрғын үй құрылысының проблемалық объектілерін аяқтау жөніндегі уәкілетті ұйымның тұрғын үй құрылысы объектілерінен, сондай-ақ «Бәйтерек» ҰБХ» АҚ еншілес ұйымының кепілдігімен қамтамасыз етілген тұрғын үй, ЖАО-ның кредиттік тұрғын үйі).
Ø «Бақытты отбасы» (көп балалы отбасылар, толық емес отбасылар және мүгедек балалары бар немесе оларды тәрбиелейтін отбасылар үшін тұрғын үй)
Бастапқы төлем: 10%-дан бастап немесе әкімдіктің тұрғын үй сертификаты
Кредит бойынша мөлшерлеме: жылдық 2%
Мерзімі: 20 жылға дейін
Қарыз сомасы: 15 млн теңгеге дейін (Нұр-Сұлтан, Алматы, Шымкент, Атырау, Ақтау қалалары); 10 млн теңгеге дейін (басқа өңірлер).
Қарыздың нысаналы мақсаты – бастапқы (оның ішінде ЖАО-ның кредиттік тұрғын үйін) және қайталама нарықтардан тұрғын үй сатып алу.
Ø «Өз үйім» (жаңа салынған тұрғын үйді сатып алу («Отбасы банк» АҚ-ның өз бағдарламасы)
Бастапқы төлем: 50% бастап
Несие мөлшерлемесі: жылдық 7%
Тұрғын үй жинақтарының шарттарын орындауға байланысты, жылдық мөлшерлеме 3,5%-дан басталады
Мерзімі: 20 жылға дейін.
Ø Стандартты тұрғын үй жинақтары (тұрғын үй қарызы)
Жинақтау мерзімі: үш жылдан бастап
Бастапқы төлем: 50% бастап
Кредит мөлшерлемесі: жылдық 3,5% -дан 5% -ға дейін
Мерзімі: 6 айдан 25 жылға дейін.
Аралық тұрғын үй заемы
Бастапқы төлем: 50% бастап
Кредит мөлшерлемесі: жылдық 7%-дан 8,5%-ға дейін, кейін 5%-ға дейін төмендейді*
Кредит мөлшерлемесі: жылдық 5% бастап («Нұрлы жер» мемлекеттік бағдарламасы бойынша)
Мерзімі: 25 жылға дейін.
* Аралық заем бойынша бастапқы мөлшерлеме сіздің депозитіңізге 3 жыл толған кезге дейін қолданылады, содан кейін сіз тұрғын үй заемы шарттарына ауысасыз және кредит бойынша мөлшерлеме 5%-ға дейін төмендейді.
Ø Алдын-ала тұрғын үй заемы*
Бастапқы төлем: 20% бастап
Несие мөлшерлемесі: жылдық 7% бастап («Өз үйім» бағдарламасы бойынша)
Несие мөлшерлемесі: жылдық 5% бастап («Нұрлы жер» мемлекеттік бағдарламасы бойынша)
Тұрғын үй жинақтарының шарттарын орындауға байланысты, жылдық мөлшерлеме 3,5%-дан басталады
Мерзімі: 25 жылға дейін.
*Мемлекеттік бағдарламалар және «Отбасы банк» АҚ-ның «Өз үйім» жеке бағдарламасы шеңберінде ғана.
«Қазақстан Тұрғын үй Компаниясы» АҚ арқылы
Ø Білім беру және медицина саласының қызметкерлері үшін «Нұрлы жер» бағдарламасы бойынша сатып алу құқығымен жалға берілетін тұрғын үй
Алғашқы жарна: жоқ
Жалдау бойынша мөлшерлеме: жылдық 3,1 %
Жалдау мерзімі: 20 жылға дейін, жалдау мерзімі аяқталғаннан кейін тұрғын үй жалға алушының меншігіне өтеді.
Жалға берілетін тұрғын үйді жалдау мерзімі аяқталғанға дейін сатып алуға болады.
Табысыңыз жеткіліксіз болған кезде кепілгерді тартуға болады.
Қарыздың нысаналы мақсаты – таза әрленген тұрғын үй сатып алу
Бағдарламаға қатысуға үміткерлердің тізімін ҚР Білім және ғылым министрлігі, ҚР Денсаулық сақтау министрлігі, Нұр-Сұлтан қаласының, Қарағанды, Маңғыстау және Қостанай облыстарының әкімдіктері ұсынады. «КТК» АҚ төлем қабілеттілігін бағалайды және жалға алу шарттарын жасасады.
Тиісінше, Бағдарламаға қатысу үшін немесе кезекке тұру үшін, Сіз жұмыс істейтін ұйым қай ведомствоға бағынатынына қарай Әкімдікке немесе Министрлікке жүгінуіңіз қажет.
Ø «Орда» ипотекалық бағдарламасы
Алғашқы жарна*:
- табыс толық расталатын кезде, 30%-дан бастап;
- бастапқы жарнаны қарыз алушының немесе үшінші тұлғалардың меншігіндегі жылжымайтын мүлік түріндегі қосымша кепілмен ауыстыруға болады;
Қарыз сомасы:
минималды сома – 1 млн. теңге.
максималды сома – 65 млн. теңге;
Қарыз мерзімі: 20 жылға дейін;
Сыйақы мөлшері: жылдық 13%.
Қарыздың нысаналы мақсаты – бастапқы және қайталама нарықтардан тұрғын үй сатып алу.
Бұл ақпарат baiterek.gov.kz сайтында «Қолжетімді тұрғын үй» - «Ипотекалық кредит және тұрғын үй қарыздары» бөлімінде орналастырылған.
Сондай-ақ, «Нұрлы жер» мемлекеттік бағдарламасы шеңберінде Әкімдіктер «Тұрғын үй қатынастары туралы» ҚР Заңының 68-бабының 1)-8), 10) және 11) тармақшаларында айқындалған халықтың әлеуметтік осал топтары үшін сатып алу құқығынсыз жалға берілетін тұрғын үй салады. Тұрғын үй заңнамасына сәйкес, Әкімдікте кезекте тұрған халықтың әлеуметтік осал топтары үшін сатып алу құқығынсыз жалға берілетін тұрғын үй кезекпен беріледі. Осы бағыт бойынша толық ақпарат алу үшін тұрғылықты тіркелген жері бойынша әкімдікке жүгінуді ұсынамыз.
