Қазақстанның негізгі инвестициялық мүмкіндіктері
«Бәйтерек» Холдингі әлемдегі ең әсерлі және перспективалы инвесторлар үшін бірнеше инвестициялық өнім ұсынады.
- Холдинг туралы
«Бәйтерек» Холдингі әлемдегі ең әсерлі және перспективалы инвесторлар үшін бірнеше инвестициялық өнім ұсынады.
2020 жылы «Бәйтерек» ҰБХ» АҚ басшылығы шет елдерге, оның ішінде Мемлекет басшысының, Қазақстан Республикасы Премьер-Министрінің сапары шеңберінде және шетелдік әріптестердің шақыруы бойынша 5-тен аса сапарлар ұйымдастырды. Шетелдік серіктестермен және компаниялармен 31-ден астам кездесулер өткізілді және холдинг пен еншілес ұйымдардың 28-ші халықаралық іс-шараға қатысуы пысықталды.
2020 жылы «Бәйтерек» холдингі мен оның еншілес ұйымдарының басшылығы Мемлекет басшысы мен ҚР Премьер-Министрінің қатысуымен 3-тен аса ресми сапарлар мен 6-дан аса іс-шараларға қатысты:
2020 жылғы 25-26 ақпанда Холдингтің Басқарма төрағасы А.Әріпханов пен «ҚИҚ» АҚ Басқарма төрағасы Е. Сакишевтің ҚР Премьер-Министрі А. Маминнің Өзбекстан Республикасының Ташкент, Ургенч және Хива қалаларына ресми сапарына қатысуы ұйымдастырылды.
2020 жылғы 11-12 қазанда Холдингтің Басқарма төрағасы А.Әріпхановтың ҚР Премьер-Министрі А. Маминнің БАӘ-нің Абу-Даби қаласына сапарына қатысуы ұйымдастырылды. "Mubadala Investment Company" Әмірліктер қорының атқарушы және басқарушы директоры Халдун Халифа Аль Мубаракпен кездесуі өтті.
2020 жылғы 3 наурызда басқарма төрағасы А.Әріпхановтың ҚР Премьер-Министрінің ЕҚДБ Президентімен кездесуіне қатысуы ұйымдастырылды.
2020 жылғы 3 наурызда Холдингтің Басқарма Төрағасының ҚР Премьер-Министрінің және Дүниежүзілік банк өкілдерінің қатысуымен тікелей шетелдік инвестицияларды тарту бойынша "ой талқылауына" қатысуы ұйымдастырылды.
2020 жылғы 11 маусымда Холдингтің Басқарма Төрағасы мен ҚР Премьер-Министрінің төрағалығымен Қазақстан Республикасы Президентінің жанындағы Шетелдік инвесторлар кеңесінің аралық отырысына қатысуы ұйымдастырылды. Шетелдік инвесторлар кеңесінің 33-ші отырысына дайындық мәселелері талқыланды.
2020 жылғы 23 қазанда Холдингтің Басқарма төрағасының Қазақстан Республикасы Премьер-Министрінің Еуропалық Одаққа мүше мемлекеттердің Қазақстан Республикасындағы елшілерімен бесінші кездесуіне қатысуы ұйымдастырылды. ЕИБ пен «Даму» кәсіпкерлікті дамыту қоры» АҚ арасында келісімге қол қою мәселелері, экономиканы қалпына келтіру мәселелері бойынша Қазақстанның Германиямен ынтымақтастығының перспективалары, Еуропалық одақпен ынтымақтастықтың жаңа мүмкіндіктері, сондай-ақ Қазақстанның агроөнеркәсіптік кешені саласындағы шетелдік компаниялардың қызметі мәселелері талқыланды.
2020 жылғы 26 қазанда Холдингтің Басқарма Төрағасы мен ҚР Премьер-Министрінің төрағалығымен АҚШ Сауда палатасы жанындағы Қазақстан-АҚШ іскерлік кеңесіне қатысуы ұйымдастырылды. Іскерлік кеңес аясында Қазақстан мен АҚШ қаржы институттары арасындағы ынтымақтастық мәселелері талқыланды.
2020 жылғы 18 қарашада Холдингтің Басқарма Төрағасының Мемлекет басшысының төрағалығымен Шетелдік инвесторлар кеңесі мүшелерінің іскерлік кездесуіне қатысуы ұйымдастырылды. Іскерлік кездесуінің күн тәртібіндегі басым мәселелер Covid-19 пандемиясының халық денсаулығына әсерін барынша азайту, сондай-ақ Қазақстан Республикасының өмірі мен экономикасын одан әрі бұзу үшін оның әлеуетін шектеу болды.
Сондай-ақ, 2020 жылы Холдинг және оның еншілес ұйымдары шетелдік қаржы ұйымдарымен, банктермен және компаниялармен 29-дан аса келісім мен меморандумға қол қойды. Келісімдер инфрақұрылымдық және индустриялық жобаларды іске асыру саласындағы ынтымақтастықты орнатуға және дамытуға, шағын және орта бизнесті, шикізаттық емес экспортты қолдауға және ғылыми-техникалық және инновациялық даму үшін венчурлік инвестициялар саласын дамытуға бағытталған.
320 млн. АҚШ долларынан астам сомаға инвестициялар тартуға бағытталған 2 келісім-шарт жасау бойынша жұмыстар жүргізілді:
«Қазақстанның Даму Банкі» акционерлік қоғамы (бұдан әрі – «ҚДБ» АҚ) мен «Еуразиялық Даму Банкі» (бұдан әрі – ЕАДБ) арасындағы Қазақстандағы жобаларды қаржыландыру үшін 76 млн. АҚШ доллары мөлшерінде жаңартылмайтын кредит желісін беру туралы кредиттік шарт.
2016 жылы жасалған «Даму» кәсіпкерлікті дамыту қоры» акционерлік қоғамы (бұдан әрі – «Даму» КДҚ» АҚ) мен «Еуропалық инвестициялық банк» (бұдан әрі – ЕИБ) арасындағы 245 млн. АҚШ доллары сомасына шартқа өзгерістер мен толықтырулар енгізу туралы шарт. Қаражат Қазақстандағы шағын және орта кәсіпкерлік субъектілерін (бұдан әрі – ШОК) қолдауға бағытталатын болады.
Бұрын тартылған инвестициялардан Холдинг 2020 жылы «ҚДБ» АҚ желісі бойынша мынадай жобаларды іске асыру шеңберінде шамамен 210 млн. АҚШ доллары сомасында қаражатты игерді:
«ПетроҚазақстан Ойл Продактс" жауапкершілігі шектеулі серіктестігінің жобасын қаржыландыру үшін 130 млн. АҚШ доллары (ҚДБ» АҚ мен Қытай Мемлекеттік Даму Банкі арасындағы 2017 жылғы 607 млн, АҚШ доллары сомасына кредиттік келісім).
