«Қазақстандық ипотекалық компания» ИҰ» АҚ жергілікті атқарушы органдардың мемлекеттік құнды қағаздарын сатып алу механизмі арқылы тұрғын үй құрылысын қаржыландыру бойынша «Нұрлы жер» мемлекеттік тұрғын үй құрылыс бағдарламасының бірыңғай қаржылық операторы болып табылады, сондай-ақ, құрылыс саласындағы меншікті инвестициялық жобаларды жүзеге асырумен айналысады.
«Отбасы банк» тұрғын үй құрылыс жинақ банкі» АҚ салымшылары, оның ішінде, әкімдіктерде кезекте тұрғандар үшін қолжетімді тұрғын үй ұсынысын арттыру мақсатында «Қазақстандық ипотекалық компания» ИҰ» АҚ жергілікті атқарушы органдардың мемлекеттік құнды қағаздарын сатып алу арқылы кредиттік тұрғын үй құрылысын қаржыландыруды қамтамасыз етеді.
Инвестициялық жобаларды шартталған қаржыландыру «Қазақстандық ипотекалық компания» ИҰ» АҚ жобаны жүзеге асыру үшін жеке әріптеске одан әрі қарыз беру мақсатында екінші деңгейдегі банктерде шартталған салымды орналастыруы арқылы жүзеге асырылады.
1 механизм: Құрылыс аяқталғаннан және объектіні пайдалануға енгізгеннен кейін жеке әріптес «Қазақстандық ипотекалық компания» ИҰ» АҚ-на орналастырылған шартталған салым сомасына объектідегі тұрғын үй-жайларды «Отбасы банк» тұрғын үй құрылыс жинақ банкі» АҚ салымшыларына тұрғын үйді бұдан әрі сату мақсатында ұсынады.
2 механизм: Шартталған салым мерзімінің аяқталуынан кейін екінші деңгейдегі банк «Қазақстандық ипотекалық компания» ИҰ» АҚ-на есептелген сыйақымен бірге, шартталған салым сомасын қайтарады, ал жеке әріптес объектідегі тұрғын үй-жайларды өз бетімен сатып, ұсынылған қарыз бойынша банкпен өзара есеп айырысу жүргізеді.
«Қазақстандық ипотекалық компания» ИҰ» АҚ тұрғын үй инвестициялық жобаларын тікелей қаржыландыруды мемлекеттік-жекешелік әріптестік қағидаларымен халықаралық қаржы ұйымдарының қаражатын тарту есебінен, халықаралық қаржы ұйымының талаптарына сәйкес жүзеге асырады.
«Қазақстандық ипотекалық компания» ИҰ» АҚ сондай-ақ жергілікті атқарушы органдардың мемлекеттік құнды қағаздарын сатып алу, екінші деңгейдегі банктер арқылы шартталған қаржыландыру және тікелей қаржыландыру механизмдері арқылы әлеуметтік бағыттағы инвестициялық жобаларды жүзеге асыру мақсатында қаржыландыру ұсынады.
Әлеуметтік бағыттағы жобаларға білім беру, әлеуметтік-мәдени тұрмыс, денсаулық сақтау, басқа урбанистік объектілер, сауықтыру және рекреация объектілерін, сондай-ақ, қалалардың әлеуметтік инфрақұрылымының басқа объектілерін салуға байланысты жобалар жатады.
Әлеуметті бағыттағы жобаларды қаржыландыру Қоғам теңгерімінен жылжымайтын мүлік объектілерін кепілдендірілген сатып алу шартымен, оның ішінде, мемлекеттік-жекешелік әріптестік қағидаларымен жүзеге асырылады.
«Тұрғын үй құрылысын кепілдендіру қоры» АҚ кепілдік беру жағдайы пайда болғанда тұрғын үй (тұрғын жай) құрылысын аяқтау үшін кепілдік береді. «Тұрғын үй құрылысын кепілдендіру қоры» АҚ, сондай-ақ үлескерлік құрылыстың өзге де қатысушыларының қызметі Қазақстан Республикасының «Тұрғын үй құрылысына үлестік қатысу туралы» 2016 жылғы 7 сәуірдегі Заңында қаралған.
«Тұрғын үй құрылысын кепілдендіру қоры» АҚ кепілдік механизмін жүзеге асыру кезінде құрылыс салушылармен және жергілікті атқарушы органдарымен белсенді қарым-қатынас жасайды.
«Тұрғын үй құрылысын кепілдендіру қоры» АҚ тұрғын үй құрылысын кепілдендіру аясында кепілдігі бар тұрғын үй сатып алуға үлескерлердің қарыздарын кепілдендіру механизмін енгізді.
Аталған механизм үйдің үлесін сатып алуға несие алу үшін қосымша кепілдігі жоқ (бұл жағдайда тұрғын үй құрылысында үлескерлік қатысу туралы шарт кепілдік мәні болып табылады) тұрғандар үшін тиімді.
Жалғыз акционердің шешімімен «Бәйтерек» холдингінің еншілес ұйымы - «Тұрғын үй құрылысына кепілдік беру қоры» АҚ «Қазақстандық Ипотекалық Компания» ИҰ» АҚ-ға қосылу жолымен өз қызметін тоқтатты.
Қазақстандық ипотекалық компаниясына Қордың үлестік құрылысты аяқтау бойынша кепілдіктер беру функциясы да өтті.
Жалғыз акционердің шешімімен «Бәйтерек» холдингінің еншілес ұйымы - «Тұрғын үй құрылысына кепілдік беру қоры» АҚ «Қазақстандық Ипотекалық Компания» ИҰ» АҚ-ға қосылу жолымен өз қызметін тоқтатты.
