Холдинг Ulttyq Onim қазақстандық өндірушілердің VIII көрмесін өткізбейтін болды

«Бәйтерек» ұлттық басқарушы холдингі» АҚ басшылығы 2024 жылғы 17-19 мамырға жоспарланған Ulttyq Onim қазақстандық өндірушілердің VIII көрмесі өтпейтіні туралы шешім қабылдағанын хабарлаймыз. Мұндай шешімге Қазақстан Республикасының бірнеше өңірлеріндегі су тасқыны себеп болып отыр.

«Бәйтерек» холдингі Ulttyq Onim көрмесі қазақстандық өндірушілердің тауарларын алға жылжытатын маңызды арна екенін түсінеді. Алайда, қазіргі жағдайда табиғи апаттан зардап шеккен аудандардағы кәсіпкерлерге тікелей қолдау көрсету одан да маңыздырақ. Холдинг осы өңірлердің экономикалық жағдайын қалпына келтіруге және тұрақтандыруға көмектесу үшін бар күшін салатын болады.

Іс-шараның қатысушылары мен қонақтарынан орын алған қолайсыздықтар үшін кешірім сұраймыз. Өз тараптарыңыздан түсіністік танытып, қолдайсыздар деген сенімдеміз.