Digital Bridge 2023 «Бәйтерек» холдингі: Цифрлық трансформацияның жаңа көкжиектері

Қазақстан астанасында Digital Bridge 2023 ірі IT-форумына сарапшылар мен IT-индустрия көшбасшылары жиналды. Осы жыл рекордтық жыл болды: 20 мыңнан астам қатысушы, 300 IT-компаниялардың өкілдері және 30 елден делегациялар келген.

Форум шеңберінде Холдинг бизнесті қолдаудың Bgov.kz бірыңғай порталын таныстырды. Келушілерге Bgov.kz. негізгі артықшылықтар, оның жұмысының принциптері, оның ішінде Холдингтің компаниялар тобы бір сайт аясында көрсететін бизнес үшін қолайлы мемлекеттік қолдау шарасын табу және таңдау қаншалықты оңай екені туралы айтылды.

Сондай-ақ, Холдингтің компаниялар тобының өнімдері мен қызметтерін іздеу және іріктеу, кеңес беру бойынша жаңалықтар жүргізушісі Амалия АИ қолдану мүмкіндіктерін көрсетті. Амалияның сыртқы түрі, дауыстық тануы және сөйлеуі толығымен әртүрлі нейрондық желілермен жасалады, ал келушілердің сұрақтарына жауап беру алгоритмдері ChatGPT қызметтерін қолдана отырып жасалған. Холдинг қызметінде АИ қолданудың жоғарыда көрсетілген кейсі Astana IT University-мен тығыз ынтымақтастықтың арқасында мүмкін болды.

Сонымен қатар, Холдингтің еншілес ұйымдары да форумға белсенді қатысты. Естеріңізге сала кетейік, бұған дейін «Даму» кәсіпкерлікті дамыту қоры» АҚ Мемлекет басшысына online.damu.kz портал арқылы субсидиялау және кредиттерге кепілдік беру құралы бойынша мемлекеттік қолдау шараларын цифрландыруды көрсеткен болатын. Мемлекеттік қолдау шараларын ұсынудың цифрлық процесінің арқасында субсидия мен кепілдік беруге өтінімдерді қарау мерзімі 21-ден 3 жұмыс күніне дейін, ал микро және шағын бизнесті қолдау бағдарламасы шеңберінде 1 күнге дейін төмендеді.

«Қазақстандық тұрғын үй компаниясы» АҚ Еуразиялық банкпен бірлесіп өзінің цифрлық өнімін ұсынды.

Сондай-ақ, Холдингтің еншілес ұйымы – Bereke Bank Digital Bridge 2023 демеушілерінің бірі болды және іс-шарада стенд ұсынды, онда ол жаңа өнім - B-bank мобильді қосымшасында крипто әмиянды толықтыруды көрсетті. Банк өз клиенттеріне ыңғайлы болу үшін цифрлық қызмет көрсету арналарының технологиялылығына және дамуына ерекше назар аударады.

Көрменің соңғы күнінде «Көпір салу: инновациялар үшін мүдделі тараптар серіктестігіне терең үңілу» тақырыбында панельдік сессия өтті, онда сарапшылар GovTech даму трендтерін және мемлекеттік қызметтер саласындағы инновацияларды енгізу үшін серіктестіктерді ынталандыру жолдарын талқылады. Сессияны «Бәйтерек» АҚ Басқарма төрағасының орынбасары Үсен Ғалым жүргізді.

Іс-шараға БҰҰ Цифрлық үкімет басқармасының және Экономикалық және әлеуметтік мәселелер департаментінің басшысы Винченцо Акуаро, АКТ және табиғи апаттар қаупін азайту бөлімінің директоры Тициана Бонапаче және жетекші қаржы институттары мен корпорациялардың өкілдері қатысты.

Айта кетейік, «Бәйтерек» холдингі цифрлық трансформация бойынша белсенді жұмыс жүргізуде. Мемлекет басшысы Қ.К. Тоқаев 2023 жылғы 1 қыркүйектегі «Әділетті Қазақстанның экономикалық бағдары» атты Қазақстан халқына Жолдауында бизнесті мемлекеттік қолдауды операциялық тиімді ету мақсатында Холдингті ауқымды цифрландыру міндетін қойды.

Холдинг алдына қойылған міндеттерді назарға ала отырып, сондай-ақ «Бәйтерек» ҰБХ» АҚ-ның 2024-2033 жылдарға арналған даму жоспарының мақсаттарына қол жеткізу мақсатында, Холдингтің жаңа Цифрландыру стратегиясы әзірленуде. 

Цифрландыру стратегиясын іске асыру бірқатар оң нәтижелерге әкеледі деп күтілуде. Олар – бизнесті қолдауда кешенді тәсілді ұстану, өтінімдерді қарау мерзімін қысқарту, Холдингтің өнімдері мен қызметтерімен қамтуды кеңейту, сондай-ақ процестерді реинжинирингтеу, мемлекеттік дерекқорлармен кеңінен интеграциялау, BigData-мен жұмыс істеу және жасанды интеллект элементтерін енгізу арқылы қызметтің өнімділігі мен тиімділігін арттыру.