«Бәйтерек» холдингі ресми дереккөздерден келген ақпаратқа ғана сенуге шақырады

     Бұл туралы «Бәйтерек» Ұлттық басқарушы холдингі» АҚ баспасөз қызметінің жетекшісі Жанжігіт Омархан өзінің Facebook парақшасында жазды

     «Бәйтерек» Ұлттық басқарушы холдингі» АҚ басшысы Рустам Қарағойшиннің атынан дипфейктерді («Телеграм» желісінде жалған жеделхаттардың есептік жазбасы) жасау және күдікті хаттарды жолдау фактілері анықталды. Бұл – интернет-алаяқтарының жиі пайдаланатын тәсілі екенін хабарлаймын. Осы ретте жалған ақпаратқа сенбеуге, қаражат аудармауға және күмәнді сілтемелер бойынша өтпеуге кеңес беремін», — делінген хабарламада.

     Ж.Омархан «Байтерек» басшылығының тарапынан күмәнді хабарламалар келетін болса, бірден холдингке хабарласуға болатындығы туралы айтты.