Филип Йео

Филип Йео

Тәуелсіз директор

1946 жылы 29 қазанда туған.

Азаматтығы: Сингапур Республикасы

 

Білімі: 1970 жылы Сент-Джозеф институтын (Сингапур) Өнеркәсіптік инженерия саласында бакалавр дәрежесін ала отырып, бітірді, 1997 жылы Торонто университетін (Канада) бітіріп, Техника ғылымдарының докторы дәрежесін алды. Филипп Йео машина жасау саласындағы ғылым Магистрі (Сингапур), іскерлік әкімшіліктендіру Магистрі (Гарвард), Медицина Құрметті Докторы (Каролинск институты) дәрежесіне ие. Лондонның империялық колледжі Филипп Йеоға Ғылым докторы дәрежесін берді. Сингапур Ұлттық Университеті Филипп Йеоға Құрметті Әдебиет Докторы дәрежесін және Монаш Университетінің (Австралия) Құрметті Заңтану Докторы дәрежесін берді.

 

Жұмыс тәжірибесі

 

Жұмыс орындарын құруға және өнеркәсіптік кластерді дамытуға бағытталған стратегиялық кеңес беру, өнеркәсіптік және қалалық аймақтарды дамыту және басқару миссиясы болып табылатын Сингапурдың экономикалық дамуы мен инновациясын басқару жөніндегі компанияның (EDIS) Төрағасы болып табылады.

Сондай-ақ, Accuron Technologies және Advanced MedTech Holdings Төрағасы болып табылады.

2007 жылғы 1 сәуірден бастап 2018 жылға дейін SPRING Сингапур – кәсіпорындарды дамыту жөніндегі Сингапур Үкіметінің агенттігінің төрағасы болды, оның негізгі мақсаты сингапурлық компанияларды дамытуға және олардың тауарлары мен қызметтеріне деген сенімді нығайтуға көмек көрсету болды.

2010 жылдан 2013 жылға дейін Ф. Йео Біріккен Ұлттар Ұйымының (БҰҰ) Мемлекеттік басқару жөніндегі сарапшылар комитетінің мүшесі болды.

2007 жылдан 2011 жылға дейін – Сингапур Премьер-Министрі кабинетінің экономикалық даму жөніндегі аға кеңесшісі.

2001 жылдан 2007 жылға дейін – Ғылым, технологиялар және зерттеулер жөніндегі агенттіктің (ASTAR), Сингапурдың ғылыми зерттеулер жүргізу жөніндегі үкіметтік агенттігінің Төрағасы болды.

 

2013 жылғы 25 маусымда Мемлекеттік мүлік және жекешелендіру комитетінің Төрағасы Э. Утеповтың № 471 «Бәйтерек» ұлттық басқарушы холдингі» акционерлік қоғамының басқару органы туралы» бұйрығымен Директорлар кеңесінің мүшесі (тәуелсіз директор) болып сайланды.

 

2013 жылғы 30 желтоқсанда Қазақстан Республикасы Индустрия және жаңа технологиялар бірінші вице-министрі А. Раудың № 464 «Бәйтерек» ұлттық басқарушы холдингі» акционерлік қоғамының Директорлар кеңесінің құрамы туралы» бұйрығымен Директорлар кеңесінің мүшесі (тәуелсіз директор) болып сайланды.

 

2016 жылғы 26 желтоқсанда Қазақстан Республикасы Инвестициялар және даму министрі Ж. Қасымбектің № 877 «Бәйтерек» ұлттық басқарушы холдингі» акционерлік қоғамының Директорлар кеңесінің құрамы туралы» бұйрығымен 3 (үш) жылға Директорлар кеңесінің мүшесі (тәуелсіз директор) болып сайланды.