23.04.2024
- Холдинг туралы
Бүгін Алматы қаласында «Бәйтерек» ұлттық басқарушы холдингі мен Қаныш Сәтбаев атындағы Қазақ ұлттық техникалық зерттеу университеті Ынтымақтастық туралы меморандумға қол қойды. Тараптардан қол қоюшылар Холдинг Басқармасының төрағасы Айдар Әріпханов пен ЖОО ректоры Искандер Бейсембетов болды.
«Бәйтерек» холдингі ҚазҰТЗУ-мен 2018 жылдан бері табысты жұмыс істеп келеді. Атап айтқанда, «Нұрлы жер» және «Жұмыспен қамту жол картасы» мемлекеттік бағдарламаларын іске асыру аясында «Нұрлы жер» Ахуалдық орталығы мен Жергілікті атқарушы органдардың порталы бірлесіп әзірленді.
- Біздің бірлескен шешімдеріміз "Бәйтерек" холдингіне "онлайн" режимінде заманауи техникалық бақылау құралдарын қолдана отырып, мемлекеттік бағдарлама бойынша салынған тұрғын үйлердің құрылысын, қаржыландырылуын және сатылуын бақылауға мүмкіндік береді, - деп атап өтті «Бәйтерек» холдингінің басшысы.
Ахуалдық орталық базасында Холдинг Құрылыс материалдарының маркетплейсін құруды жоспарлап отыр. Бұл тұрғын үй құрылысының өзіндік құнын төмендетуге және қазақстандық құрылыс материалдарын өндірушілерді қолдауға мүмкіндік береді.
Тараптар университеттің бірлескен технологиялық шешімдері мен ғылыми қызметі саласындағы ынтымақтастықты дамытуға және қолдауға ниет білдірді. Бұдан басқа, ынтымақтастық оқу бағдарламаларын әзірлеуге қатысуды, сондай-ақ «Бәйтерек» холдингінің қажеттіліктері мен мүмкіндіктерін ескере отырып, Университет студенттері мен түлектерінің өндірістік практикасын өткізуді көздейді.
"Меморандумға қол қою және бірлескен жобалармен жұмыс істеу біздің компанияларымызға тәжірибе алмасуға және ғылым мен өндірістің интеграциясын одан әрі дамытуға көмектеседі. Біздің бірлескен жұмысымыздың зор әлеуеті бар екеніне сенімдімін. Біздің ынтымақтастығымыз аясында біз мемлекеттік IT-жобаларды іске асыру сапасын одан әрі арттыру перспективаларын көріп отырмыз" - деп түсіндірді Ескендір Бейсембетов.
