«Бәйтерек» холдингі қызметтерді автоматтандырады

01.11.2019

1

«Бәйтерек» холдингі Қазақстанның дамуындағы негізгі қаржы институты ретінде өз қызметін цифрландыруды жүйелі түрде шешеді.

 

Атап айтқанда, нақты сандық қадамдармен қызметтің алты маңызды бағытын айқындайтын 2018-2023 жылдарға арналған Холдингті цифрландыру стратегиясы іске асырылуда.

 

Жақында жүзеге асырылған цифрландырудың ең ірі жобаларының бірі - Digital Baiterek (digital.baiterek.gov.kz), шағын және орта бизнес пен тұрғын үй секторын мемлекеттік қолдау шараларына арналған бірыңғай алаң. Бұл жүйенің іске қосылуы Холдингтің және оның еншілес ұйымдарының 43 қызметінен 33-ін автоматтандыруға мүмкіндік берді. «Электрондық үкімет» порталы шеңберінде бизнеске қолдау көрсетіледі.

 

Холдингтің еншілес ұйымдары цифрландыру жобаларын енгізгеннен кейін оң нәтижелерге қол жеткізді. Ішкі бизнес-процестерді автоматтандыру арқасында қызметтерді ұсыну мерзімдері едәуір қысқарды. Сонымен қатар, қағаз құжаттарын ұсынудан барынша бас тарттық.

 

Мәселен, «Даму» кәсіпкерлікті дамыту қорының қызметтерін автоматтандыру субсидиялау шарттарын жасасу уақытын 30 күннен 30 минутқа, ал кепілдемелік өтінімді қарауды 15-тен 5 жұмыс күніне дейін қысқартты.

 

Кредиттік өтініш беру процесін автоматтандыру нәтижесінде Тұрғын үй құрылыс жинақ банкі қарыз беру мерзімін 15 күннен 1-3 күнге дейін қысқартты. Сондай-ақ, клиенттердің қажетті түрде келу саны азайды.

«Бәйтерек девелопмент» АҚ салынып жатқан барлық нысандарды қашықтықтан бақылауға мүмкіндік беретін «Нұрлы жер» ахуал орталығы енгізілді.

 

Бұл цифрландыру жобаларының бірнеше мысалдары ғана. Нәтижесінде біз Холдингтің тиімділігін арттырамыз, ақша мен уақытты үнемдейміз, азаматтардың біздің қызметтерімізге қол жетімділігін жеңілдетеміз және клиенттерге бағытталған барлық процестердің ашықтығын қамтамасыз етеміз.

 

Анықтама үшін:

«Бәйтерек» ұлттық басқарушы холдингі» АҚ Қазақстан Республикасы Президентінің 2013 жылғы 22 мамырдағы Жарлығына сәйкес құрылды. Корпоративтік басқарудың озық стандарттарына сәйкес келетін және оны әртараптандыру, инновацияларды қолдау, экспортты дамыту, еңбек өнімділігін арттыру арқылы Қазақстан экономикасының тұрақты дамуы бойынша мақсаттарды қамтамасыз ететін Қазақстан Республикасы Үкіметінің негізгі институты. Холдинг құрамына «Қазақстанның Даму Банкі» АҚ, «Қазақстанның инвестициялық қоры» АҚ, «Қазақстанның Тұрғын үй құрылыс жинақ банкі» АҚ, «Қазақстандық ипотекалық компания» АҚ, «KazakhExport» ЭСК» АҚ, «Даму» КДҚ» АҚ, «QazTech Ventures» АҚ, «Тұрғын үй құрылысына кепілдік беру қоры» АҚ, «Қазына Капитал Менеджмент» АҚ, «Бәйтерек девелопмент» АҚ, «Kazakhstan Project Preparation Fund» ЖШС кіреді.