«Бәйтерек» ұлттық басқарушы холдингі» АҚ Басқарма төрағасы Ерболат Досаев Еуропа Инвестициялар Банкінің Вице-Президенті Вазил Худакпен кездесу өткізді.

Ерболат Досаев пен Вазил Худак бірлескен жұмыс перспективаларын талқылады. Атап айтқанда, «Бәйтерек» холдингісінің корпоративтік кепілдігімен «Даму» қорының (Холдингтің еншілес ұйымы) 200 млн. еуроға дейінгі көлемде қоршаған ортаға оң әсерін тигізетін отандық жобаларды іске асырушы шағын және орта кәсіпкерлік субъектілерін қаржыландыруы қаралды.

Тараптар сонымен қатар технологиялық брокер рөлін Холдингтің еншілес ұйымы «Технологиялық даму жөніндегі ұлттық агенттігі» АҰ атқара алатын инновацияларды енгізу және странсферт саласында даму мүмкіндігін қарады.

Сонымен қатар, шамамен 50%-ы кәсіпкерлерге энергетика, инфрақұрылым және өнеркәсіптік өндіріс салаларындағы «жасыл» жобаларды қаржыландыру үшін 120 млн. еуроға дейінгі сомаға Холдингтің еншілес ұйымы «Қазақстанның даму банкі» АҚ кредиттік желісін ЕИБ ұзартуы туралы келісімге қол қойылды.

Кездесу қорытындысы бойынша Ерболат Досаев пен Вазил Худак ынтымақтастықты жалғастыруға қызығушылықтарын білдірді.