Добро пожаловать, рады видеть вас снова!

 Kz   Ru   En 
"Бәйтерек" ұлттық
басқарушы холдингі

Халықаралық ынтымақтастық

2014 жылы ірі шетелдік  компаниялармен және халықаралық қаржылық  институттармен ынтымақтастық шеңберінде Холдинг жалпы сомасы 2,2 млрд.  АҚШ долларын құрайтын тікелей шетелдік инвестиция тартты.

Қазақстан Республикасы Президенті Н.Ә. Назарбаевтың Қытай Халық Республикасына ресми сапары шеңберінде Холдингтің басшылық етуімен 2014 жылдың 20-22 мамыр күндері аралығында мынадай халықаралық актілерге қол қойылды:

1. Жалпы сомасы 1 млрд АҚШ долларына Шымкент мұнай өңдеуші зауытын жаңғырту және қайта құру жөніндегі жобаны қаржыландыруға қатысты Қытайдың Экспорттық-Импорттық Банкімен  өзара түсіністік туралы меморандум.

2. Жалпы сомасы 500 млн АҚШ доллары болатын несиелік линия бөлу туралы Қытайдың Мемлекеттік даму банкісімен арадағы Бас Келісім.

2014 жылы желтоқсанда қазақстандық-қытайлық Іскерлік кеңестің отырысы шеңберінде Холдинг пен Қытай-Еуразиялық Экономикалық Ынтымақтастық қоры арасында Инвестициялар мен ынтымақтастық жөніндегі Қытайлық-Қазақстандық қорды құру туралы өзара түсіністік туралы Меморандумға қол қойылды. Қордың мақсатты мөлшері   500 миллион АҚШ  долларын құрайды.

Шағын және орта бизнесті қолдау мақсатында Холдинг Азиялық Даму банкісінен шамамен 122 млн АҚШ долларын тартты.

Өткен жылы сәуір айында Бахрейн  Королінің Қазақстанға сапары аясында  Холдинг пен бахрейндік  «Мумталакат» Холдингі арасында ынтымақтастық туралы  Меморандумға қол қойылды.

Ислам Даму банкі мен оның еншілес ұйымдары арасында да белсенді өз ара ықпалдастық орнаған.  2014 жылы 23 мамыр күні Холдинг Басқармасы Төрағасы Қ.У.Бішімбаевтың  Исламдық жеке меншік секторды дамыту  корпорациясының (ICD) президенті Х.М. Аль-Абудимен келіссөздері барысында «Қазақстан инвестициялық қоры» АҚ мен  ICD арасында ынтымақтастық туралы  Меморандумға қол қойылды.

2014 жылы 23 мамыр күні Астаналық экономикалық   форум шеңберінде Холдингтің жеке сессиясы өтті, оның тақырыбы  «ҰБҚ «Бәйтерек» АҚ-ның Қазақстан экономикасын дамытудағы рөлі» деп аталды. Сессияға 120 -дан аса адам қатысты, оның ішінде шетелдік компаниялардың өкілдері, танымал әлемдік саясаткерлер және бизнесмендер, мемлекеттік қызметшілер, ұлттық компаниялардың және даму институттарының жетекшілері қатысты. Шара барысында  Холдинг пен Халықаралық қаржылық  корпорация арасында өзара түсіністік туралы Меморандумға қол қойылды.  Меморандумның мақсаты, МЖӘ механизмдері негізінде пилотты жобаларды қолдау мен жүзеге асыру үшін негіз қалау болып табылады.

2014 жылы 10-қараша күні  Холдинг қазақстандық-германдық Іскерлік кеңестің 7-ші отырысын өткізді. Қазақстандық жақтан Іскерлік кеңестің тең төрағасы Холдинг басшысы Қ.У. Бішімбаев болып табылады.

Неміс делегациясына  Федеративті Германия Республикасының сыртқы істер министрі  В.Ф. Штайнмайер жетекшілік етті.

Неміс  делегациясы атынан әр түрлі салаларда қызмет атқаратын ірі неміс компанияларының басшылары қатысты, оның ішінде   «METRO» AG, «Knauf Gruppe», «Thyssen Krupp Elevators CENA» GmbH, «SAP SE» жетекшілері болды. Герман жағынан жалпы алғанда алпыстан аса адам қатысты.

Отырыс барысында басымдық инвестициялық жобаларды жүзеге асыру мәселелері және екіжақты сауда-экономикалық қатынастардың мәселелері талқыланған.

Тұтас алғанда, 2014 жылы Холдинг басшылығы әлемнің әр түрлі елдерінің  мемлекеттік және бизнес топтарының өкілдерімен жүзден аса халықаралық кездесу өткізген.